تصنيع Rifle Restاهداء الى اعضاء المنتدى الكرام

بسم الله الرحمن الرحيم
الفكرة جاتلى لما اشتريت بندقية وسكوب جداد وجيت اضبط الاسكوب لاقيت ايدى بتهتز عند الرمى والنتيجة ما كانتش مرضية قلت لازم حل دورت فى مواضيع المنتدى الخاصة بضبط الاسكوب لاقيت انى لازم يكون البندقية ثابته على حاجة علشان تاخد نتيجة كويسة وكمان فى فيديوهات لاقيت فيها فكرة ملزمة بسيطة قولت اعملها بدور فى دولابى لاقيت حامل الكاميرا الياشكا بتاعتى اللى واحد استلفها وما رجعهاش قولت استغله روحت للحداد قطعت عنده خوصة مقاسها 17 سم * 5 سم وابتدى يتنيها بالشكل اللى انتم شايفينه ده ارتفاع 5 سم من الجانبين والقاعدة 7 سم علشان تشيل البندقية وركبلى صامولة باللحام على قد مسمار التثبيت فى الحامل خلصت خدتها عند منجد حطلى فيها سفنج وغطاها بقماش والحمد لله عند ضبط الاسكوب ثبات غير عادى هى بس ناقصها جزء اللى متعلم عليه بالاحمر فى الصورة رقم 5 جارى تصنيعه واسف للاطالة